आइएमई अटोमोटिभ्स वेस्ट पर्फमिङ् व्यापार अवार्डबाट सम्मानित

काठमाडौं, २५ भदौ । एस्कर्टस लिमिटेड इन्डियाद्वारा आयोजित छैटौँ अन्तर्राष्ट्रिय दिवसको अवसरमा आइएमई अटोमोटिभ्स वेस्ट पर्फमिङ् व्यापार अवार्ड बाट सम्मानित भएको छ ।

हालै इन्डियामा आयोजित एक विशेष कार्यक्रमबिच एस्कर्टसका प्रमुख कार्यकारी अधिकृत अजय मन्दाहरद्धारा विश्वभरिका एस्कर्टस डिरलशीप मध्ये आइएमई अटोमोटिभ्स नेपाललाई वेस्ट पर्फमिङ् बिजनेस पार्टनरको रूपमा सम्मानित गरेको हो ।

अघिलो वर्षमा आइएमईले गरेको मार्केट शेयरको वृद्धि, उत्कृष्ट ग्राहक सन्तुष्ट र एस्कर्टस ब्राण्डलाई नेपालमा स्थापित गर्न ठुलो भूमिका खेलेको हुनाले आइएमई अटोमोटिभ्सलाई यो अवार्ड प्रदान गरिएकोे प्रमुख कार्यकारी अधिकृतले बताए ।

आइएमई अटोमोटिभ्स हेभि इक्युपमेन्ट सेग्मेन्ट नेपालमा धेरै कारोबार गर्ने वितरकको रूपमा रहेको अटोमोटिभ्स्का प्रमुख कार्यकारी अधिकृत हेमन्त पुरानिकले बताए ।

वेस्ट पर्फमिङ् अर्वाड आइएमई अटोमोटिभ्स् टिमको मिहिनेत र कुशल कार्यक्षमता प्रमुख रहेको कुरामा जोड दिँदै सबै टिमलाई यस अवार्डको लागि धन्यवाद पनि दिए ।

आइएमई अटोमोटिभ्स्ले एस्कर्टस ब्राण्डको ब्याकोहो लोडर, हाइड्रा क्रेन, साथै कम्प्याक्टर सेगमेन्टका मेसिनहरू नेपालभरी बिक्रीबितरण गर्दै आएको छ । कम्पनीको अनुसार नेपालभरका ११ वटा शोरुम र शाखाहरूबाट सेल्स, सर्भिस र स्पेयर्सको सुविधा पनि दिँदै आएको कम्पनीले जनाएको छ । एस्कर्टसको पिक एण्ड क्यारी क्रेन विश्वकै नम्बर १ मेशिन पनि रहेको छ ।

प्रतिक्रिया दिनुहोस्
धेरै पढिएको