घर व्यवहार चलाउन पिपिइ लगाएर भिख माग्दै गरेका यी युवा

एजेन्सी, १० साउन । कोरोना भाइरसको महामारीले तनाव मात्र दिएको होइन धेरै कुरा सिकाएको पनि छ । मानिसहरूका विवाह, पार्टी, खानपानदेखि बाहिर घुम्ने जस्ता सबै तालिका परिवर्तन भएका छन् ।

ओडिशामा कोरोनाको फ्रन्टलाइनमा काम गर्ने एक कर्मचारी पिपिइ किट लगाएर सडकमा भिख मागिरहेका छन् । उनको फोटो सामाजिक संजालमा निकै भाइरल भएको छ ।

भारतीय समाचारको अनुसार वास्तवमा ती व्यक्तिले सरकारले कामबाट हटाएपछि विरोध गर्ने यस्तो अनौठो तरिका अपनाएका हुन् ।
ओडिशाको भद्रकमा एनएनएमका कर्मचारी अश्विनी पाढे पिपिइ किट लगाएर सडकमा भीम माग्दै गरेको देखिन्छ । यो घटना शनिबारको हो । कोरोना महामारीको समयमा राज्य सरकारले अश्विनी पाढेसहित हजारौँ अन्य मानिसहरुलाई करारमा नियुक्ति गरेको थियो । उनीहरूको कोरोना कम भएसँगै करार अवधि पनि समाप्त भएको थियो । करार अवधि सकिएपछि कसैलाई पनि पुनः नियुक्ति गरेको छैन ।

पाढेले भने कोरोनाको महामारीमा गम्भीर समयमा आफ्नो स्वास्थ्यको परवाह नगरी सेवा गरेको र राज्य सरकारले अचानक बेरोजगार बनाएको आरोप लगाएका छन् । उनले घरको खर्च चलाउन मुस्किल परेर भीम माग्न परेको बताएका छन् ।

प्रतिक्रिया दिनुहोस्
धेरै पढिएको