सामाजिक सञ्जालको दुरुपयोग नगर्न साइबर ब्युरोको आग्रह

काठमाडौं, ५ साउन । साइबर ब्युरोले सामाजिक सञ्जालको दुरुपयोग नगर्न आग्रह गरेको छ । सामाजिक सञ्जालको दुरुपयोग गरी अमर्यादित कार्य गर्ने, चरित्र हत्या गर्ने उद्देश्यले सामाजिक सञ्जालमा सामग्री बनाई प्रकाशन प्रसारण नगर्न तथा नगराउन प्रहरी प्रधान कार्यालय साइबर ब्युरो भोटाहिटीले आग्रह गरेको हो ।

पछिल्लो केही समयदेखि सामाजिक सञ्जाल ट्विटर, फेसबुक लगायतमा व्यक्तिहरूको फेक आइडी बनाई नाम, तस्बिर, भिडियो दुरुपयोग गर्दै फोटोसप, मल्टिलेट गरी प्रचलित कानुनले प्रकाशन तथा प्रदर्शन गर्न नहुने भनी रोक लगाएका सामग्री, सार्वजनिक नैतिकता, शिष्टाचार विरुद्ध सामग्री, कसैप्रति घृणा वा द्धेष फैलाउने उद्देश्यवाट प्रकाशन, प्रसारण गरेको पाइएको हुँदा त्यस्ता गतिविधि गर्ने उपर प्रचलित कानुन बमोजिम ब्युरोबाट कारबाही हुँदै आएको समेत ब्युरोले स्मरण गराएको छ ।

प्रतिक्रिया दिनुहोस्
धेरै पढिएको