टोक्यो ओलम्पिकका दुई खेलाडीमा कोरोना सङ्क्रमणको पुष्टि

काठमाडौँ, ०३ साउन। टोक्यो ओलम्पिकमा सहभागी हुन ओलम्पिक गाउँमा रहेका दुई जना खेलाडीमा कोरोना सङ्क्रमणको पुष्टि भएको छ । ओलम्पिक सुरु हुन पाँच दिन बाँकी रहँदा पहिलो पटक दुई खेलाडीमा सङ्क्रमणको पुष्टि भएको हो ।

शनिबार टोक्यो पुगेका एक जना अधिकारीमा सङ्क्रमणको पुष्टि भएको थियो । नयाँ फेला परेका दुई जना सङ्क्रमित उक्त टोलीकै सदस्य रहेको आयोजकले प्रष्ट्याएको छ । एक जना अझै खेलाडीमा सङ्क्रमणको पुष्टि भएपनि उहाँ ओलम्पिक गाउँबाट बाहिर रहेको बताइएको छ ।

आयोजकका अनुसार आइतबार ओलम्पिकसँग जोडिएका दश जनामा सङ्क्रमणको पुष्टि भएको छ । जसमा सञ्चारकर्मी, ठेकेदार र अन्य व्यक्ति छन् । शनिबार १५ जनामा सङ्क्रमणको पुष्टि भएको थियो ।

टोक्यो सहरका सर्वसाधारणमा समेत कोरोना सङ्क्रमण हुने दर बढेको छ । लगातार चौथो दिन एक हजारभन्दा बढी जनामा सङ्क्रमणको पुष्टि भएको छ । टोक्यो २०२० का प्रवक्ता मासा टकायाले तीन जना सङ्क्रमित फेला परेकाहरू एकै राष्ट्रका रहेका बताउनुभएको छ । उहाँहरू तीनै जना आइसोलेसनमा रहेको र नियमित हेरचाह भइरहेको प्रवक्ता टकायाले जानकारी दिनुभयो । गोरखापत्र

प्रतिक्रिया दिनुहोस्
धेरै पढिएको