कटुवा पेस्तोल सहित एक पक्राउ

रौतहट , २१ साउन । जिल्लाको गढीमाईको समनपुरमा अवैध हतियार सहित एक जनालाई प्रहरीले पक्राउ गरेको छ।

पक्राउ पर्नेमा गढीमाई न.पा.-१ समनपुरका रामप्रताप राउतको छोरा ५१ बर्षीय  बिरेन्द्र राउतको घरमा कटुवा पेस्तोल लुकाई छिपाई राखेको छ भन्ने विशेष सूचनाको आधारमा ई.प्र.का, गरुडा रौतहटबाट खटी गएको प्रहरी टोलीले राउतको  घरको आँगनमा  खोज तलास गर्ने क्रममा झारपातले छोपी लुकाई छिपाई कटुवा पेस्तोल राखेको अवस्थामा फेला पारी बरामद गरी कटुवा पेस्तोल सहित बिरेन्द्र राउतलाई  पक्राउ गरी अनुसन्धान कार्य भइरहेको प्रहरीले जनाएको छ ।