२०७८ असार १०, बिहीबार

img-responsive

१२:१७:१६

 

नेपालमा १४४४ जना कोरोना संक्रमितको आईसीयुमा उपचार हुँदै, भेन्टिलेटरमा कति ?

गोठालो खबर
गोठालो खबर -१ २०७८ जेठ २१, शुक्रबार,०३:१९:PM  
img-responsive

काठमााडौं, २१ जेठ । विश्व हाल कोरोना भाइरसले आक्रान्त बनेको छ । नेपालमा हालसम्म कुल संक्रमितको संख्या ५ लाख ७६ हजार ९३६ पुगेको स्वास्थ्य मन्त्रालयले जनाएको छ । नेपालमा पनि दैनिक ४ हजार बढी सङ्क्रमित भइरहेका छन् भने बिहीबार थप ७५ जनाको मृत्यु भएसँगै संक्रमणबाट मृत्यु हुनेको कुल संख्या ७ हजार ६३० पुगेको छ ।

बिहीबार सम्म नेपालमा ३ सय ९८ जनाको भेन्टिलेटरमा उपचार भइरहेको छ । जसमध्ये प्रदेश १ मा ५७ जना, प्रदेश २ मा २२ जना, बाग्मती प्रदेशमा २५६ जना, गण्डकी प्रदेशमा २३ जना, लुम्बिनी प्रदेशमा २५ जना, कर्णाली प्रदेशमा ५ जना र सुदूरपश्चिम प्रदेशमा १० जनाको भेन्टिलेटरमा उपचार भइरहेको स्वास्थ्य मन्त्रालयले जनाएको छ ।

मन्त्रालयको अनुसार देशभर आईसीयुमा १४ सय ४४ जनाको उपचार भइरहेको छ । जसमध्ये प्रदेश १ मा २२१ जना, प्रदेश २ मा ११३ जना, बागमती प्रदेशमा ७२६ जना, गण्डकी प्रदेशमा १३९ जना, लुम्बिनी प्रदेशमा १६९ जना, कर्णाली प्रदेशमा ४६ जना र सुदूरपश्चिम प्रदेशमा ३० जनाको आइसियुमा उपचार भइरहेको छ । त्यस्तै, देशभर होम आइसोलेसनमा बस्नेको संख्या ९४ हजार ९०९ रहेको छ भने संस्थागत आइसोलेसनमा बस्नेको संंख्या ६ हजार ९३० रहेको  छ।

प्रतिक्रिया दिनुहोस्
© 2021 All rights Reserved to gothalokhabar.com
Site By: Nectar Digit