२०७८ वैशाख २९, बुधबार

img-responsive

०१:३७:२४

 

सरकारले प्रेस स्वतन्त्रता माथि अङ्कुश लगाउने प्रयास जारी राखेको काँग्रेस नेता सिंहको आरोप

गोठालो खबर
गोठालो खबर -१ २०७८ वैशाख ६, साेमबार,०१:१०:PM  
img-responsive

काठमाडौं, ६ बैशाख । नेपाली काँग्रेसका नेता प्रकाशमान सिंहले वर्तमान सरकारले हटाथ मा संसद स्थगित गरेर संसदको मानमर्दन गरेको भन्दै कायरता प्रदर्शन गरेको बताएका छन् । नेपाल प्रेस युनियन काठमाडौ शाखाले सोमबार काठमाडौंमा आयोजना गरेको नवनिर्वाचित पत्रकार महासंघका पदाधिकारी सम्मान कार्यक्रममा बोल्दै नेता सिंहले संसद फेस गर्न नसकेर पटक पटक संसद माथि प्रहार गरेको प्रति कडा आपत्ति व्यक्त गरेका हुन् ।

अलोकतान्त्रिक कदम उठाउने सरकारले फेरिपनि संसदीय व्यवस्था माथि अर्को प्रहार गरेको उनको भनाई रहेको छ । सिंहले एक पछि अर्को अलोकतान्त्रिक चरित्र सरकारले देखाउँदै आएको प्रति कडा आपत्ति व्यक्त गरेका छन् ।

नेता सिंहले प्रधानमन्त्री केपी शर्मा ओली नेतृत्वको सरकारले प्रेस स्वतन्त्रता माथि अङ्कुश लगाउने प्रयास समेत जारी राखेको बताए । नवनिर्वाचित पत्रकार महासंघका पदाधिकारी सम्मान कार्यक्रममा बोल्दै नेता सिंहले ओली नेतृत्वको सरकारले प्रेस स्वतन्त्रता माथि अङ्कुश लगाउने प्रयास गरिरहेको र हामी सबै मिलेर त्यसको प्रतिवाद गर्नु पर्ने बताए ।

नवनिर्वाचित पदाधिकारीलाई बधाई तथा सफल कार्यकालको शुभकामना व्यक्त गर्दै नेता सिंहले भने, ‘ओली सरकारले प्रेस स्वतन्त्रता माथि अङ्कुश लगाउने प्रयास गरिरहेको छ । सबै मिलेर प्रतिवाद गर्नुपर्छ ।’

साथै उहाँले पत्रकारहरूले वास्तविक, निष्पक्ष ढङ्गले कलम चलाई देश र जना ताको पक्षमा काम गर्नु पर्ने भन्दै सधैँ कसैको डर धम्कीसँग नडराई निष्पक्ष ढङ्गले पत्रकारिता गर्न आग्रह गरे । समाज परिवर्तन र समाजमा रहेका विकृति, विसङ्गतिहरू हटाउनको लागी पत्रकारको भूमिका महत्त्वपूर्ण हुने उनको भनाई छ  ।

फरक प्रसङ्गमा नेता सिंहले कोरोना नियन्त्रणमा सरकार उदासिन भएको बताउनु भयो । ‘ ओली सरकारले राजनैतिक, र नैतिक दृष्टिकोण बाट सरकारमा रहिरहेन वैधानिकता गुमाई सकेको छ । यो सरकार देश र जनताको पक्षमा काम गर्न सकेन ।’ उनले भने, ‘यो सरकारले विकास निमार्णका कार्य केही नगर्ने तर जनतामा विकास भएको भ्रम सिर्जना गरिरहेको छ । विकास भन्दा पनि सरकार भ्रमको खेती सिर्जना गर्न लागी परेको छ ।’

साथै नेता सिंहले अब देशलाई निकास दिलाउन नेपाली काँग्रेसको नेतृत्वमा सरकार बन्नु पर्ने बताए । ‘संविधान मिच्न अनि सरकारमा बसिरहने यो सरकारसँग नैतिकता अलिकति पनि छैन । नैतिकता गुमाएका व्यक्तिलाई प्रधानमन्त्री मानिरहन सकिन ।’ नेपाल प्रेस युनियन काठमाडौ शाखाले भर्खरै निर्वाचित पदाधिकारीको सम्मानमा आयोजना गरिएको कार्यक्रम मा नेता सिंहले निर्वाचित सबैलाई बधाई दिँदै सम्मान गरेका थिए । कार्यक्रममा बोल्दै महासंघ का अध्यक्ष बिपुल पोखरेलले सरकार का प्रेस विरोधी कदम विरुद्ध कडा रूपमा प्रस्तुत हुने बताए । कार्यक्रममा पूर्व अर्थ राज्यमन्त्री उदय समशेर राणा काठमाडौ महानगरपालिकाका उपमेयर हरि प्रभा खड्की लगायतले आफ्नो धारणा राख्नु भएको काठमाडौ प्रेस युनियनका अध्यक्ष जगन्नाथ दुलालले जानकारी दिएका छन् । 

प्रतिक्रिया दिनुहोस्
© 2021 All rights Reserved to gothalokhabar.com
Site By: Nectar Digit